Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón abelluga l'actu institucional del día Internacional de les Muyeres

Votos

(Total de votos recibidos 246)

(Puntuación 2,85)

Xixón abelluga l'actu institucional del día Internacional de les Muyeres
L'actu tará presentáu por "Les Venenu" y cuntará cola participación de la cantante Ana Belén, qu'interpretará dos de los sos temes.
La Conseyera de la Presidencia, Dª María Xosé Ramos, y l'Alcaldesa de Xixón, Dª Paz Fernández Felgueroso, presentaron el programa d'actos que l'Institutu Asturianu de la Muyer organiza pa celebrar el día 8 de marzu, Día internacional de les Muyeres. Esti actu institucional sedrá del coliséu xixonés. La celebracción alquier un significáu especial anguaño porque, a iniciativa del Parlamentu Européu y del Conseyu Européu, declaróse 2007 como l'Añu Européu de la Igualdá d'Oportunidaes pa toles Persones, col envís, ente otros, de concienciar sobre'l derechu a la igualdá de tratu y a nun sufrir discriminación por mor del sexu nin por nengún otru motivu. Dende la creación en 1999 del Institutu de la Muyer, la programación del Día Internacional de les Muyeres espoxigó n'importancia. Acordies col envís d'acercar los actos conmemorativos del Día Internacional de les Muyeres a tol territoriu asturianu, l'Institutu Asturianu de la Muyer celebró esti día n'estremaos conceyos asturianos: n'Uviéu (en dos ocasiones), en Xixón, n'Avilés, en San Martín del Rei Aureliu, en Mieres y en Llangréu. L'actu institucional aniciaráse a les 18:30 de la tarde, coles intervenciones del Presidente del Principáu, de la Conseyera de la Presidencia y de l'Alcaldesa de Xixón. D'egual mou, nel actu participarán Dª Amelia Valcárcel, catedrática de Filosofía Moral de la UNED y Miembru del Conseyu d'Estadu; Pachi Poncela, periodista de la Cadena Ser-Xixón y los estudiantes del IES Cuenca del Nalón, Jenifer Fueju y Pelayu Martínez