Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón, nel Camín de Santiagu per mar

Votos

(Total de votos recibidos 0)

(Puntuación 0)

camin per mar
20 embarcaciones a vela recalen nel puertu xixonés Marina Yates na so pelegrinación per mar a Santiagu de Compostela.
El 16 de xunetu pasáu, partieron dende Hondarribia 20 embarcaciones a vela, con unos 70 tripulantes, na II Travesía Navega el Camino (Sail the way), una forma nueva de facer el Camín de Santiagu per mar. Estes embarcaciones recalaron esta nueche nel puertu xixonés Marina Yates y partieron esta mañana na etapa viniente de la ruta marítima xacobea, que los llevará hasta Cuideiru.

Divertia Xixón, col enfotu de sofitar estes iniciatives y fomentar esta forma nueva de realizar el Camín de Santiagu ufiertó un almuerzu d'acoyida pa tolos pelegrinos de la travesía y entregó un llibru promocional de la ciudá a cada embarcación.


camin per mar


Nes etapes vinientes van sumase embarcaciones nueves a la espedición. Ta previsto que, a la fin, aporten a Santiagu de Compostela 112 tripulantes en 29 embarcaciones.

Va namás unos meses que vien incluída la modalidá "a vela" na credencial oficial del pelegrín, que se suma a les clásiques a pie, a caballu o en bicicleta.

L'entamu de la Travesía Navega el Camino por North Marinas (Asociación de marines del norte d'España) tien como oxetivu dar a conocer esta forma antigua de pelegrinax, que yá se venía faciendo dende la dómina de bronce, onde se mercaba con estos metales ente les xentes del Arcu Cantábricu-Atlánticu.

Cola mira de caltener esti venceyu, potenciando les rellaciones socioculturales y les actividaes náuticodeportives ente les nueses xentes y les d'otros países, la II Travesía Navega El Camino percorrerá tola costa norte y rercalará en dalgunos de los puertos y ciudaes de más sonadía del nuesu llitoral, Hondarribia, Bermeo, Marina Santander, San Vicente de la Barquera, Gijón/Xixón, Cuideiru, Ribadeo, Viveiro, Cedeira, Marina Coruña, Muxía y Muros, que va ser onde termine'l pelegrinax per mar el 26 de xunetu y entame'l tramu caberu de pelegrinación per tierra enantes d'aportar a la Catedral de Santiagu'l xueves día 27, onde un centenar de pelegrinos van recibir depués de más de 400 milles de navegación (800km) la tan deseada Compostela. Que pa algamala como mínimo ye preciso percorrer 100 milles náutiques y realizar a pie'l tramu caberu del camín.

Les credenciales puen algamase en culesquier puntu de la rede de puertos NORTHMARINAS www.sailtheway.es.
Palabras clave Turismo, 2017, Gijón